რუსეთის მართლმადიდებელი ეკლესიის პატრიარქმა მოსკოვში ვატიკანის მომლაპარაკებელი მიიღო

პატრიარქი კირილი და მატეო ძუპა. ფოტო: Известия

2023 წლის 29 ივნისს რუსეთის მართლმადიდებლური ეკლესიის პატრიარქმა კირილმა წმინდა დანიელის მონასტერში მიიღო ვატიკანის „მშვიდობისმყოფელი დელეგაციის“ ხელმძღვანელი კარდინალი მატეო ძუპა, იუწყება ტელეგრამის არხი „იზვესტი“.

„ძალიან მიხარია, რომ მოსკოვში ჩამოხვედით ძმების თანხლებით, რომლებსაც კარგად ვიცნობ“, მიესალმა რუსეთის მართლმადიდებელი ეკლესიის პატრიარქი კარდინალს და განაცხადა, რომ რუსეთის მართლმადიდებლური ეკლესია აფასებს რომის პაპ ფრანცისკეს გადაწყვეტილებას ძუპას მოსკოვში გაგზავნის შესახებ.

მანამდე მჟკ-მ დაწერა, რომ ვოლოდიმირ ზელენსკიმ ძუპას უმასპინძლა კიევში. როგორც ზელენსკიმ დაწერა, მხარეებმა „განიხილეს უკრაინაში არსებული ვითარება და ჰუმანიტარული თანამშრომლობა უკრაინის სამშვიდობო მისიის განხორციელების ფარგლებში“. პრეზიდენტის თქმით, „მხოლოდ ერთობლივმა ძალისხმევამ, დიპლომატიურმა იზოლაციამ და რუსეთზე ზეწოლამ შეიძლება გავლენა მოახდინოს აგრესორზე, რომ უკრაინის მიწაზე სამართლიანი მშვიდობა დამყარდეს“.