ზელენსკიმ ხელი მოაწერა კანონს ნაციზმზე გამარჯვების დღის 8 მაისს გადატანის შესახებ

პრეზიდენტი ვოლოდიმერ ზელენსკი. ფოტო: president.gov.ua

პრეზიდენტმა ვოლადიმერ ზელენსკიმ ხელი მოაწერა კანონს, რომლის თანახმად, უკრაინა ყოველწლიურად 8 მაისს აღნიშნავს 1939-1945 წლების მეორე მსოფლიო ომში ნაციზმზე გამარჯვების დღეს. უმაღლესი რადას ვებგვერდის ცნობით, 2023 წლის 12 ივნისს პრეზიდენტის აპარატმა ხელმოწერილი კანონი პარლამენტს დაუბრუნა.

გამარჯვების დღის აღნიშვნის გადადების ინიციატორი იყო სახელმწიფოს მეთაური - მან 2023 წლის 8 მაისს უმაღლეს რადას კანონპროექტი წარუდგინა, 29 მაისს კი დეპუტატებმა მას მხარი დაუჭირეს.

პროექტის განმარტებით ბარათში ნათქვამია, რომ „უკრაინამ, როგორც დიდი ევროპული ოჯახის განუყოფელმა ნაწილმა, უნდა იზეიმოს 1939-1945 წლების მეორე მსოფლიო ომში ნაციზმზე გამარჯვების დღე მთელ ევროპასთან და მთელ ცივილიზებულ დემოკრატიულ სამყაროსთან ერთად, ზუსტად 8 მაისს“.

ზელენსკის თქმით, ამ კანონის მიღება „ხელს შეუწყობს საბჭოთა-რუსული პროპაგანდის მითებისა და მანიპულაციების მსხვრევას“.

მანამდე მჟკ წერდა, რომ 2023 წლის 8 მაისს პრეზიდენტმა ხელი მოაწერა განკარგულებას უკრაინაში ევროპის დღის ყოველწლიური აღნიშვნის შესახებ 9 მაისს.