მოსკოვმა და კიევმა მიიღეს რომის პაპის წინადადება "ზავის განხილვის შესახებ"

რომის პაპი ფრანცისკე. ფოტო: AP Media

მოსკოვი და კიევი დათანხმდნენ რომის პაპის წინადადებას, მიეღოთ მისი სპეციალური წარმომადგენლები ზავის განსახილველად. ამის შესახებ ინფორმაციას ვატიკანის სპეციალიზებული პორტალი Il Sismografo ავრცელებს, ინფორმაციის წყაროების დასახელების გარეშე.

მოხსენებაში აღნიშნულია, რომ არქიეპისკოპოსი კლაუდიო გუჯეროტი, აღმოსავლეთის ეკლესიების დეკასტერიის პრეფექტი, შეიძლება წავიდეს მოსკოვში, როგორც პაპის სპეციალური წარმომადგენელი, ხოლო კარდინალი მატეო მარია ზუპი, იტალიელი ეპისკოპოსთა კონფერენციის ხელმძღვანელი - კიევში.

გამოცემის ცნობით, მხარეებმა მიიღეს წინადადება, მაგრამ "მომზადება უკიდურესად რთულია და აქამდე პროგრესი უკიდურესად მოკრძალებულია".

მასალაში Il Sismografo ასევე ნათქვამია, რომ ეს შეიძლება იყოს ვატიკანის „მშვიდობო მისია“, რომელიც რომის პაპმა აპრილის ბოლოს გამოაცხადა, როცა ბუდაპეშტიდან ბრუნდებოდა.

როგორც მჟკ იტყობინება, ზელენსკიმ რომის პაპთან შეხვედრაზე განაცხადა, რომ უკრაინას არ სჭირდება შუამავლები მოლაპარაკებებისთვის.