კულტურის სამინისტროს კომისიამ კიევ-პეჩორის ლავრაში 70 ობიექტიდან 11 შეისწავლა

კიევ-პეჩორის ლავრა. ფოტო: ria.ru

კიევ-პეჩორის ლავრას ქონების გადაცემისა და მიღების კომისიის თავმჯდომარემ მარიანა ტომინმა ტელემარტონის ეთერში განაცხადა, რომ კულტურის სამინისტროს კომისიამ კიევ-პეჩორის ნაკრძალის 79 ობიექტიდან 11 შეისწავლა. იუწყება babel.ua.

„ამ კვირის განმავლობაში ჩვენ მოვახერხეთ 5 შენობის შემოწმების ჩატარება სრულფასოვან მშვიდ ტექნოლოგიურ რეჟიმში. ეს არის  შენობა  43 (ადგილობრივი მნიშვნელობის კელიები), შენობა 48 (პეჩორის ყველა წმინდანის სახელობის ტაძარი), ასევე 54, 56 და 57 კორპუსები, რომელთაგან ორი ადგილობრივი მნიშვნელობის ძეგლია, ერთი ეროვნული მნიშვნელობის ძეგლი“, - განაცხადა ტომინმა.

ორშაბათს, 1 მაისს, კიდევ 10 ობიექტი უნდა შემოწმდეს. კომისია სამუშაოების დაჩქარებას აპირებს.

ობიექტების მდგომარეობასთან დაკავშირებით ოფიციალურმა პირმა აღნიშნა, რომ 11-დან 5 დამაკმაყოფილებელია.

„54 და 57 კორპუსები ძალიან კარგ მდგომარეობაშია. მაგრამ ეს ის შენობებია, სადაც იმყოფებიან მონასტრის წარმომადგენლები... წინათ კი, მგონი, 112-ის შენობის მდგომარეობა ნახეთ“, - დასძინა კულტურის სამინისტროს კომისიის თავმჯდომარემ.

როგორც ადრე მჟკ წერდა, ოსტაპენკო ჩიოდა, რომ ნაკრძალს არ ჰქონდა თანხები ქვემო ლავრის შესანახად.