ჩერკასის ეპისკოპოსმა დაკავების შემთხვევაში უფლებამოსილება მის ვიკარს გადასცა

მიტროპოლიტი თეოდოსი და მიტროპოლიტი ანტონი. ფოტო: скриншот видео YouTube-канала «Черкасский благовестник»

ჩერკასისა და კანევის მიტროპოლიტმა თეოდოსიმ, დაკავების შემთხვევაში, თავისი უფლებამოსილება გადასცა ჩერკასის ეპარქიის ვიკარს, ეპისკოპოს ანტონი კორსუნ-შევჩენკოვსკის.

ამის შესახებ მან განაცხადა 2023 წლის 7 აპრილს ქადაგების დროს, რომელიც გამოქვეყნდა YouTube-ის ოფიციალურ არხზე «Черкасский благовестник».

„მე კიდევ ერთი სისხლის სამართლის დანაშაულში ეჭვმიტანილად მცნეს. ორშაბათს მექნება დაკითხვა ქალაქ ჩერკასის სბუ-ს შენობაში, და დაკითხვის შემდეგ, შესაძლოა, ჩერკასის ერთ-ერთ სასამართლოში, მიღებულ იქნას გადაწყვეტილება ჩემზე, როგორც დამნაშავეზე, აღკვეთის ღონისძიების შესახებ. განაცხადა მიტროპოლიტმა თეოდოსიმ.

„თუ ღამის განმავლობაში შინაპატიმრობაში დამტოვებენ, ეს ნიშნავს, რომ აღდგომის დღესასწაულზე ჩვენი ჩერკასიის ეპარქიის დატოვება უნდათ წინამძღვრის გარეშე. თუ დამიწესებენ სადღეღამისო შინაპატიმრობას, ეს ნიშნავს, რომ კიევიდან მოვიდა ბრძანება ეპარქიის უწინამძღვროდ დატოვების შესახებ, რათა მე ვერ ვიმსახურო და ვუწინამძღვრო ეპარქიას“, - დასძინა უმე-ის იერარქმა.

ჩერკასის ეპარქიის წინამძღვარმა აღნიშნა, რომ შინაპატიმრობაშიც კი განაგრძობდა ეპარქიის ხელმძღვანელობას, თანაშემწეებს ტელეფონით აძლევდა მითითებებს, მაგრამ დაპატიმრების შემთხვევაში, უფლებამოსილება გადასცა ჩერკასის ეპარქიის ვიკარს, ეპისკოპოს ანტონი კორსუნ-შევჩენკოვსკის, სანამ უმე-ის ხელმძღვანელობა არ დანიშნავს მისი შემცვლელს.

მიტროპოლიტმა თეოდოსმა სბუ-ს მიერ მის წინააღმდეგ წაყენებულ ბრალდებებს სასაცილო უწოდა და იმედი გამოთქვა, რომ საღი აზრი გაიმარჯვებს უკრაინის ხელმძღვანელობაში და უარს იტყვიან უმე-სა და მის იერარქებთან ბრძოლაზე.

როგორც ადრე მჟკ წერდა, სბუ-მ ეპისკოპოსი ეჭვმიტანილად სცნო ,,რმე-ს შაბლონებიანი’’ საიტის შექმნაში.