კიევ-პეჩერის ლავრის დასაცავად: ონლაინ ჩართვა

კიევ-პეჩერის ლავრა, 30.03.23. ფოტო: СПЖ

19:25 კიევ-პეჩერსკის ლავრის მუზეუმ-ნაკრძალმა მონასტრის „საკუთრების ჩამორთმევის“ საქმის გახსნა მოითხოვა. ამის შესახებ უკრაინის კულტურის სამინისტროს ვებგვერდი იტყობინება. დასკვნაში ნათქვამია, რომ ლავრის სახელმწიფო ქონების მიღება-გადაცემის კომისიამ დაუდგენელი პირების მხრიდან ხელის შეშლის გამო მუშაობა ვერ შეძლო.

19:18 კულტურის მინისტრი ალექსანდრე ტკაჩენკო: «მთავრობამ ახლახან ბათილად გამოაცხადა უკრაინის მინისტრთა კაბინეტის ბრძანება იანუკოვიჩის მმართველობის პარიოდში, 2013 წლის 11 ივლისის № 519 „წმიდა მიძინების კიევ-პეჩერის ლავრის (მამათა მონასტერი) შენობებისა და ინვენტარის  უკრაინის მართლმადიდებელი ეკლესიისთვის უფასო სარგებლობის შესახებ“. მთელ რიგ სამართლებრივ გადაწყვეტილებაში ლავრას ქონების მართვა გადაეცა სახელმწიფოს, რადგან სწორედ სახელმწიფო ფლობს ამ ობიექტებს».

19:17 სოციალურ ქსელებში ვრცელდება განცხადება, თითქოსდა რომელიღაც საინიციატივო ჯგუფი უკრაინის მართლმადიდებლური ეკლესიის მორწმუნეებს 31 მარტს სთავაზობს ფულადი ჯილდოს სანაცვლოდ კიევ-პეჩერის ლავრის დაცვაში მონაწილეობას. ეს სხვა არაფერია, თუ არა პროვოკაცია იმ ადამიანების მხრიდან, რომლებიც პრეტენზიას აცხადებენ ჩვენს მართლმადიდებლურ სიწმინდეზე. ლავრის იღუმენს არასოდეს უთხოვია და არც კურთხევა გაუცია ჩვენს მონასტერში მისვლასა და ფულადი ჯილდოს მიღებაზე. ლავრაში იღებდნენ და ახლაც მზად არიან მიიღონ ყველა მომლოცველი (როგორც ყოველთვის აკეთებდნენ გამოქვაბულების ბერი თეოდოსის ანდერძის მიხედვით), რომელთათვისაც ეს სალოცავი ძვირფასია, არა სანაცვლოდ არაფერს არ ითხოვენ. ყოველი მორწმუნის მოვალეობაა დაიცვას ტაძრები კანონიერი საშუალებებით. როგორც ყოველთვის, უკრაინის მართლმადიდებლურ ეკლესიაში ყველა მოქმედებს თავისი სინდისის კარნახის მიხედვით, აბსოლუტურად ნებაყოფლობით.

18:40 კიევის სასამართლომ არ დააკმაყოფილა უმე-ის სარჩელი კიევ-პეჩერის ლავრის ნაკრძალის წინააღმდეგ საიჯარო ხელშეკრულების ცალმხრივი შეწყვეტის შესახებ. გადაწყვეტილება კულტურის მინისტრმა ტკაჩენკომ გამოაცხადა. თავად გადაწყვეტილების ტექსტიც გამოქვეყნდა. „სასამართლომ უარი თქვა უმე-ს No910/4552/23 სარჩელის უზრუნველყოფაზე ეროვნული ნაკრძალის „კიევ-პეჩერის ლავრას“ მიმართ ხელშეკრულების ცალმხრივი შეწყვეტის შესახებ, რაც გულისხმობს შენობებისა და სახელმწიფო საკუთრებაში მყოფი სხვა ქონების რელიგიური ორგანიზაციის მიერ სარგებლობის 2013 წლის 19 ივლისის No2 ხელშეკრულების ბათილად ცნობას“, - განაცხადა მინისტრმა. კიევ-პეჩერსკის ლავრის ადვოკატმა, დეკანოზმა ნიკიტა ჩეკმანმა განაცხადა, რომ სასამართლოს გადაწყვეტილება გასაჩივრდება.

16:14 უმე-ის წარმომადგენლებთან დაკავშირებით პოლიციაში განცხადება შევიდა ლავრაში სახელმწიფო კომისიის მუშაობის შეფერხების შესახებ, განაცხადა კულტურის სამინისტროს ხელმძღვანელმა ალექსანდრე ტკაჩენკომ.

„უნდა განვაცხადოთ, რომ უმე-მს-ის მხრიდან ფიზიკური დაბრკოლებების გამო, ეროვნული ნაკრძალის „კიევ-პეჩერის ლავრას“ სახელმწიფო ქონების მიღებისა და გადაცემის კომისიამ დღეს ვერ დაიწყო მუშაობა“, - წერს ტკაჩენკო. მისი თქმით, კომისია მუშაობას ხვალ განაახლებს.

14:20 ნაციონალები ლავრაში მისვლისკენ მოუწოდებენ. კერძოდ, ევგენი კარასმა მიმართა თავის მხარდამჭერებს, მოუწოდა მათ შეკრება, გადაღება და საუბარი. მან ასევე მოუწოდა თავდასხმა იმ კაცებზე, რომლებიც მარტო მიდიან მეტროს მიმართულებით.

კიევ-პეჩერის ლავრაში დგომა: ონლაინ გადაცემა ფოტო 1
 

13:16 არხი «Суспільне»-ს წარმომადგენლები პოლიციაში განცხადებას წერენ ბერის წინააღმდეგ, რომელმაც თითქოს მათი კამერა გატეხა.

12:56 მრევლი ღამის გათევას ლავრაში, ეკლესიებში აპირებს. ახლა ისინი თვითორგანიზებულნი არიან, ჯგუფებად იყოფიან.

12:33 უმე-ს საქმეთამმართველი, მიტროპოლიტი ანტონი: „ამ დროისთვის, კიევ-პეჩერის ლავრის არც ერთი ძმა, მამა აბრაამის გარდა, არ გადასულა მეუ-ში. ცნობები იმის შესახებ, რომ უმე-ს ბერები მასობრივად გადავიდნენ მეუ-ში, არ შეესაბამება რეალობას.

12:25 კომისიამ ლავრის ტერიტორია დატოვა, ტაძრებში არ შეუშვეს. არაოფიციალურად გავრცელდა ინფორმაცია, რომ კომისია აქ ხვალ 10:00 საათზე დაბრუნდება.

12:23 პოლიცია, რომელიც ადრე ქუჩაში იდგა, ლავრის ტერიტორიაზე ავტომატებით ხელში შევიდა. სავარაუდოდ წესრიგის შესანარჩუნებლად.

კიევ-პეჩერის ლავრაში დგომა: ონლაინ გადაცემა ფოტო 2
 

11:56 კიევ-პეჩერის ლავრის ნაკრძალის კომისიის წევრებმა, რომლებსაც უმე-ს მონასტრის შემოწმების უფლება არ აქვთ, ვითარებაზე კომენტარი გააკეთეს. მათივე თქმით, პოლიციის გამოძახების საფუძველი ჯერჯერობით არ არსებობს, თუმცა მომავალში ეს არც არის გამორიცხული. „ამ დროისთვის ასეთი საფუძველი არ არსებობს. მაგრამ თუ არსად არ შეგვიშვებენ, შევიმუშავებთ შესაბამის აქტებს, რის საფუძველზეც კომისიის ხელმძღვანელს შეუძლია მიმართოს სამართალდამცავებს“, - განაცხადა კომისიის ერთ-ერთმა წევრმა ალექსანდრე ოვჩარმა.

11:51 უმე-ს მრევლმა ნატალიამ გადადო საქმეები, ის აპირებს ლავრაში ჩამოსვლას მანამ, სანამ საჭირო იქნება. იყავით ერთად და ილოცეთ!

11:41 მიტროპოლიტი პავლე მღვიმელი ბერის აღაპის სახელობის ტაძარში მივიდა. მეუფემ მორწმუნეებს მოუწოდა "ღირსეულად მოქცეულიყვნენ" და ასევე თქვა, რომ კომისიას არ ჰქონდა უფლება ჩაეტარებინა აუდიტი, რადგან ამისათვის არ არსებობდა შესაბამისი დოკუმენტები.

11:34 კიევის სასულიერო აკადემიის რექტორი მთავარეპისკოპოსი სილვესტერი (სტოიჩევი) კულტურის სამინისტროს კომისიას ესაუბრა.

11:20 მარიანა დომინი, კულტურული მემკვიდრეობის დეპარტამენტის დირექტორი: "ლავრას შესამოწმებლად 3 თვეა დარჩენილი."

დგომა კიევ-პეჩერის ლავრისთვის: ონლაინ გადაცემა ფოტო 4

11:15 ასამდე ადამიანი ლოცულობს წმინდა აღაპის სახელობის ეკლესიაში.

11:14 კომისია ლავრის 55-ე შენობაში არ შეუშვეს.

11:05 მეუფე პავლეს ლავრას კედლებს გარეთ აედევნენ პროვოკატორები ტელეფონებითა და კამერებით, მაგრამ მას მორწმუნეები იცავენ.

11:02 ლავრაში განგაშია.

10:55 მორწმუნეები დგანან ღვთისმშობლის შობის ტაძრის წინ კარების დაცვაზე, რათა არავის შეუშვან შიგნით.

კიევ-პეჩერსკის ლავრას დგომა: ონლაინ გადაცემა ფოტო 5

10:51 კულტურის სამინისტროს კომისია და უმე-ის ერთგულნი.

10:46 საგანგაშო შეტყობინებებს აგზავნიან ლავრიდან:

კიევ-პეჩერის ლავრაში დგომა: ონლაინ გადაცემა ფოტო 6

10:20 კიევ-პეჩერსკის ლავრაში ნაკრძალის კომისიის წევრები მივიდნენ. უმე-ის მორწმუნეები მათ მუშაობის უფლებას არ აძლევენ. მათ კომისიის წევრები ალყაში მოაქციეს და არ უშვებენ იმ შენობებში, რომელთა შემოწმებაც სურთ. პოლიცია ჯერ არ ჩარეულა.

10:27 ყველა ჩამოდის მონასტერში.

10:12 მიტროპოლიტი პავლე ყველას მოუწოდებს ადგნენ და დაიცვან კიევ-პეჩერის ლავრა.

კიევ-პეჩერის ლავრის ნაცვალმა, ეპისკოპოსმა პავლემ კომენტარი გააკეთა უკრაინის ეროვნული უსაფრთხოებისა და თავდაცვის საბჭო მდივნის ოლექსი დანილოვის სიტყვებზე, რომ უმე-ს მოუწევს ლავრის ტერიტორიის დატოვება, რადგან ეს არის ეროვნული უსაფრთხოების საკითხი. ”ისინი იტყუებიან, როგორც ყოველთვის. უმე-ს მხრიდან არანაირ დარღვევას არ აქვს ადგილი, რის გამოც ლავრის ტერიტორიის დატოვება გვიწევს. ვითხოვეთ მოეცათ თვენახევარი, გადმოსასვლელად მოსამზადებელი დრო, მაგრამ ამის საშუალება არ მოგვცეს. ამიტომ ჩვენ ვიმოქმედებთ კანონის მიხედვით, კონსტიტუციით. მათ არ აქვთ ჩვენი გამოსახლების უფლება“, - განაცხადა მიტროპოლიტმა პავლემ.

მეუფემ ასევე განაცხადა, რომ ისინი არ შეუშვებენ ნაკრძალია კომისიის წევრებს ლავრის ტერიტორიაზე, სანამ არ იქნება შესაბამისი სასამართლო გადაწყვეტილება.

10:10 უნეტარესი მიტროპოლიტი ონუფრი კიევ-პეჩერის ლავრაში:

10:08 კიევ-პეჩერის ლავრაში ძალოვანთა რაოდენობა საგრძნობლად გაიზარდა, თუმცა მონასტერში მისასვლელი ღიაა. ლავრის ტერიტორიის მთავარ შესასვლელთან პოლიციის რამდენიმე პატრული მორიგეობს. ისინი ამ დრომდე ამოწმებენ მანქანებს, რომლებიც ლავრის ტერიტორიაზე შემოდიან და გამოდიან.

კიევ-პეჩერის ლავრაში დგომა: ონლაინ გადაცემა ფოტო 7

10:06 ლავრაში ლოცვა მიმდინარეობს. მღვიმეების მახლობლად მდებარე ჯვრის ამაღლების ტაძარში ღვთისმსახურება მიმდინარეობს, წირვა-ლოცვას უნეტარესი მიტროპოლიტი ონუფრი წინამძღვრობს.

ჭიშკარი ღიაა მომლოცველთათვის, მანქანების გასავლელად. პოლიციელები ბარიერებთან არიან.

ტაძარი სავსეა ხალხით.

გამოქვაბულები ღიაა მღვიმელი წ,ინდა მამების თაყვანისცემისთვის. გადაარჩინე ისინი ყველა ლოცვით, ღმერთო!

2023 წლის 29 მარტს, უმე-ს, ხელისუფლების მითითებების თანახმად, უნდა დაეტოვებინა კიევ-პეჩერის ლავრა, მაგრამ ეს არ მოხდა. უკრაინის მართლმადიდებლურმა ეკლესიამ განაცხადა, რომ ისინი არ დატოვებდნენ ლავრას სასამართლოს გადაწყვეტილებამდე,სადაც უმე იჯარის შეწყვეტის თაობაზე დავობს.