უკრაინის ომში არის სხვა იმპერიების ინტერესები, არა მარტო რუსეთის, - მამა

რომის პაპი ფრანცისკე. ფოტო: rsi.ch

უკრაინის წინააღმდეგ ომი განპირობებულია არა მხოლოდ რუსეთის, არამედ "რამდენიმე იმპერიის" ინტერესებით. ამის შესახებ რომის პაპმა ფრანცისკემ RSI-თან ინტერვიუში განაცხადა.

ამასთან, რკე-ის ხელმძღვანელმა არ დააკონკრეტა, თუ რომელი „იმპერიები“ აწარმოებენ ომს უკრაინაში.

„იქ არის იმპერიული ინტერესები, არა მხოლოდ რუსეთის, არამედ სხვა იმპერიებისაც. სწორედ იმპერიული ინტერესები გადასწევს ხალხთა ინტერესებს უკანა პლანზე. <…> მიმდინარეობს ომი, იყიდება ძველი იარაღი, ხდება ახლის ტესტირება“, - განაცხადა მან.

პონტიფიკოსმა ასევე განაცხადა, რომ ომის მეორე დღეს მან მიმართა რუსეთის პრეზიდენტს ვლადიმერ პუტინს, რათა მოსკოვში მიეღო და მოლაპარაკება გაემართა. თუმცა, რომის პაპის თქმით, რუსეთის საგარეო საქმეთა მინისტრმა სერგეი ლავროვმა უარი თქვა მის თხოვნაზე.

„მე მას (პუტინს – რედ) ველაპარაკებოდი ისე გარკვევით, როგორც საჯაროდ ვლაპარაკობ. განათლებული ადამიანია. ომის მეორე დღეს მე ვიყავი რუსეთის საელჩოში წმიდა საყდართან, რომ მეთქვა, მზად ვიყავი მოსკოვში წავსულიყავი, თუ პუტინი დამიტოვებდა ფანჯარას მოლაპარაკებებისთვის. ლავროვმა მომწერა მადლობა, მაგრამ ახლა ამის დრო არ არისო. პუტინმა იცის, რომ ჩემთან დიალოგი შესაძლებელია“, - დასძინა რკე-ის ხელმძღვანელმა.

როგორც მჟკ იტყობინება, რომის პაპმა გააკეთა განცხადება, რომელშიც რეალურად გაამართლა რუსეთის აგრესია უკრაინის წინააღმდეგ.