თუ ცხოველი არ დაზარალდება: ესპანეთში ზოოფილია ლეგალიზებულია

იონე ბელარა. ფოტო: lenta.ru

ესპანეთის სოციალური დაცვის მინისტრის, იონე ბელარას მიერ შემოთავაზებული ცხოველთა დაცვის ახალი კანონი, კონგრესმა დაამტკიცა 2023 წლის 9 თებერვალს, იტყობინება libertaddigital.com.

ზოოფილია, ანუ სექსი ცხოველებთან, რომელიც აქამდე სისხლის სამართლის დანაშაულად ითვლებოდა, სისხლის სამართლის კოდექსის ცხოველთა მიმართ სასტიკი მოპყრობის ფორმით, აღარ არის დანაშაული, იმ პირობით, რომ ცხოველს ზიანი არ მიადგა.

2015 წელს კონგრესმა დაამტკიცა სისხლის სამართლის კოდექსის რეფორმა, რათა გაზარდოს სასჯელი ცხოველების მიმართ სასტიკი მოპყრობისათვის და, პირველად ესპანეთის ისტორიაში, ცხოველების სექსუალური ექსპლუატაციისთვის.

გამოცემის თანახმად, იმ დროს ითვლებოდა, რომ ცხოველებს, ისევე როგორც ბავშვებს, არ ჰქონდათ თანხმობის გაცემის უნარი, ამიტომ ზოოფილია კლასიფიცირდება, როგორც ახალი დანაშაული, რომელიც გულისხმობს ცხოველების სექსუალურ ექსპლუატაციას, მიყენებული ზიანის სიმძიმის მიუხედავად.

ამიერიდან ის დასჯადი იქნება მხოლოდ იმ შემთხვევაში, თუ ცხოველს ამით მიადგა ზიანი, რომელიც საჭიროებს ვეტერინარულ მკურნალობას.

"გასაკვირია, რომ ეს მოთხოვნა მომდინარეობს "ერთად ჩვენ შეგვიძლია" პარტიიდან, რომელმაც დაადგინა, რომ ძაღლები, კატები და სხვა ცხოველები უნდა ჩაითვალონ გონიერ არსებებად ან ცოცხალ არსებებად დაჯილდოვებულად მგრძნობელობით", - წერენ გამოცემაში.

როგორც ადრე მჟკ წერდა, ესპანეთმა გაამარტივა სქესის კანონიერი შეცვლა და აბორტების ხელმისაწვდომობა 16 წლის ასაკიდან.