რუმინელი დეპუტატი: რასაც უკრაინის ხელისუფლება აკეთებს უმე-თან აკეთებს სრული სიგიჟეა

რუმინეთის პარლამენტის წევრი დუმიტრუ-ვიორელ ფოშა. ფოტო: romania.postsen.com

რუმინეთის პარლამენტის დეპუტატთა პალატის წევრმა დუმიტრუ-ვიორელ ფოშამ მკაცრად დაგმო უკრაინის ხელისუფლების ქმედებები უკრაინის მართლმადიდებლური ეკლესიის მიმართ.

"მეუ არის პოროშენკოს პოლიტიკური ნაბიჯი, რომელიც ზელენსკიმ გააგრძელა, ხელოვნურად შექმნილი "ეკლესია", რომელმაც მიიღო მსოფლიო პატრიარქის ბართლომეს კურთხევა, რამაც დიდი დაბნეულობა გამოიწვია უკრაინაში", - თქვა პოლიტიკოსმა ფეისბუქის საკუთარ გვერდზე გამოქვეყნებულ ვიდეოში. - უმე-ს მღვდლები ექვემდებარებიან მიტროპოლიტ ონუფრის და არავითარ შემთხვევაში არ აპირებენ მეუ-ში გადასვლას. მას შემდეგ, რაც მეუ-ს აქვს პრეზიდენტის მხარდაჭერა, შეიარაღებული ადამიანები და სბუ-ს ოფიცრები ჩხრეკითა და მუქარით მოდიან უმე-ის ტაძრებში, უნერგავენ შიშს მღვდლებს, იძულებით ხდიან მათ სამოსს და უღებენ სურათებს. ეს სრული სიგიჟეა!"

დეპუტატმა აღნიშნა, რომ „ბართლომეს კურთხევამ დიდი უთანხმოება დათესა და მიტროპოლიტი ლონგინი (ჟარი) თავის ქადაგებაში ძალიან მკაცრად საუბრობს პატრიარქის ქმედებებზე“.

პარლამენტარმა ხაზგასმით აღნიშნა, რომ რუმინეთის მართლმადიდებლური თემების სამღვდელოება, რომელიც უმე-ის წიაღში იმყოფება, ხელისუფლების მხრიდან ზეწოლას განიცდის: „მღვდელი,ეთნიკურად რუმინელი, რომელმაც მოგვიყვა რა ხდება ჩერნივცის რაიონში, ძალიან შეშინებულია.  <...> რასაც ზელენსკი აკეთებს, დენაციონალიზაცია ჰქვია. რუმინელ მღვდლებს ატერორებენ და აიძულებენ დატოვონ უკრაინის ავტონომიური კანონიკური ეკლესია და შევიდნენ ახალ პოლიტიკურ „ეკლესიაში“.

როგორც მჟკ იტყობინება, მანამდე რუმინელმა ყოფილმა დეპუტატმა ჟელუ ვიშანმა რუმინეთის ტელეარხის ეთერში განაცხადა "იმ დანაშაულებზე, რომლებსაც უკრაინის ხელისუფლება სჩადის უფლის მსახურების წინააღმდეგ".