ჯარიმა მედიაში ლგბტ კრიტიკისთვის: ზელენსკიმ ხელი მოაწერა სკანდალურ კანონს

პრეზიდენტი ვოლოდიმირ ზელენსკი. ფოტო: Дом

2022 წლის 29 დეკემბერს უკრაინის პრეზიდენტმა ვოლოდიმირ ზელენსკიმ ხელი მოაწერა კანონს „მედიის შესახებ“, რომელსაც მხარი 13 დეკემბერს უმაღლეს რადაში დაუჭირა. კანონპროექტის ეტაპზე მას აქტიურად აკრიტიკებდნენ როგორც ჟურნალისტები, ასევე უფლებადამცველები, მაგრამ ხელისუფლებაში ის ევროკავშირში გაწევრიანებისთვის საჭიროდ არის წარმოდგენილი.

კანონი მნიშვნელოვნად აფართოებს ტელევიზიისა და რადიოს მაუწყებლობის ეროვნული საბჭოს უფლებამოსილებებს, რომელიც იღებს შემდეგ უფლებებს: ყველა მედიის რედაქციაში სავალდებულო მითითებების გაგზავნის უფლება; ყველა სახის მედიის დაჯარიმების უფლება; უფლება აქვს სასამართლოს გადაწყვეტილების გარეშე აკრძალოს ონლაინ მედიის ოპერირება 14 დღით და გააუქმოს ბეჭდური მედიის რეგისტრაცია.

სხვა საკითხებთან ერთად, მედია შეიძლება დაიხუროს სოგი-ის ნიშნით „დისკრიმინაციის“ - „სექსუალური ორიენტაციისა და გენდერული იდენტობის“ დაგმობისთვის.

ამ კანონს მხარი ყველა ფრაქციის წარმომადგენელმა დაუჭირა, მიუხედავად იმისა, რომ პარტიებმა ,,გოლოსმა'' და ,,ევროკავშირმა’’ პირველი მოსმენით მას ხმა არ მისცა.

კანონმა „მედიის შესახებ“ სერიოზული შეშფოთება გამოიწვია ეკლესიებისა და რელიგიური ორგანიზაციების სრულიად უკრაინის საბჭოს მხრიდან. საბჭომ ორჯერ მოუწოდა ხელისუფლებას დაესრულებინა ეს კანონპროექტი - თებერვალში საბჭოს წევრებმა ხელისუფლებას გაუგზავნეს ამ საკანონმდებლო აქტის პროექტში შესატანი ცვლილებები, სადაც მოუწოდეს მათ გაითვალისწინონ ეს წინადადებები და დაამტკიცონ იგი.

როგორც მჟკ იტყობინება, მანამდე კულტურის მინისტრმა ალექსანდრე ტკაჩენკომ განაცხადა მედიის შესახებ კანონის მიღების მნიშვნელობაზე.