უმე-ის იერარქი: ლავრაში გადაღებული ვიდეო ვერ მოახდენს გავლენას ეკლესიის ბედზე

მთავარეპისკოპოსი ვიქტორი(კოცაბა). ფოტო: politica.com.ua

ვლადიკას თქმით, „ინფორმაცია დღეს ისეთივე იარაღია, როგორიც ტანკები რაკეტები და ამ ბოლო დროს მედიასივრცე უბრალოდ ზღვარს სცდება სიყალბისა და ტყუილის რაოდენობით“.

მან ხაზგასმით აღნიშნა, რომ „თუნდაც ვიდეო იყოს ნამდვილი, მას არ შეუძლია გავლენა მოახდინოს ლავრის, უმე-ის ხელმძღვანელობაზე და მით უმეტეს მთელი ეკლესიის ბედზე“.

იერარქმა გაიხსენა, რომ უმე-მ არაერთხელ განაცხადა, რომ „მხოლოდ ოფიციალურ პირებს შეუძლიათ ეკლესიის ოფიციალური პოზიციის გამოხატვა ნებისმიერ საკითხზე და მხოლოდ ეკლესიის ოფიციალური რესურსებით“.

„რუსეთის ფედერაციის უკრაინაში შეჭრისადმი დამოკიდებულებასთან დაკავშირებით გაკეთდა რამდენიმე ოფიციალური განცხადება, როგორიცაა უმე-ის წინამძღოლის მიმართვა 24 თებერვალს, უმე-ის სინოდის მიმართვა 12 მაისს, უმე-ს საბჭოს მიმართვა 27 მაისს. ისინი გმობენ რუსეთის აგრესიას ყველაზე კატეგორიულად“, - აღნიშნა მეუფემ.

მისი თქმით, ვიდეოზე გადაღებული საერო ქალების ჯგუფის მიერ გარკვეული სიმღერის შესრულება, ისევე როგორც სხვა მსგავსი სიმღერა ლოცვის ბოლოს, „ყოველთვის მომღერლების პირადი ინიციატივაა, მაგრამ არა განსაკუთრებული კურთხევა მონასტრის იერარქისა“.

„შესაბამისად, თუ სამართალდამცავები ამ ქმედებებში აღმოაჩენენ დანაშაულებრივ ქმედებას, პასუხისმგებლობა ეკისრება კონკრეტულ ადამიანებს და არა მთელ ეკლესიას, რადგან ჩვენი სოფლის ბევრმა მღვდელმა და მრევლმა შეიძლება ვერასოდეს გაიგოს ამა თუ იმ სიმღერის შექმნის შესახებ. სწორედ ეს წარმოადგენს ინდივიდუალური და კოლექტიური პასუხისმგებლობის გაყოფის პრინციპს“, - მიიჩნევს ეპისკოპოსი.

მან ასევე გაამახვილა ყურადღება იმ ფაქტზე, რომ „ინტერნეტმა უკვე გაარკვია, რომ ვიდეოდან ნათქვამი სიტყვები „ზარი გაისმის რუსეთის თავზე, დედა რუსეთი იღვიძებს“ არის „ნეტარ ღვთისმშობლისადმი საგალობლის“ ერთ-ერთი სტროფი, დაწერილი 2000-იანი წლების დასაწყისში, როდესაც სსრკ-ს დაშლის შემდეგ პოსტსაბჭოთა ქვეყნებში აღადგინეს ძველი და აშენდა ახალი ეკლესიები.

„სიმართლე რომ ვთქვა, მე არ ვთვლი ჩემს თავს ასეთი შემოქმედების მოყვარულად და მითუმეტეს არ ვთვლი, რომ ტაძარში ეს უნდა ჟღერდეს. ეკლესიის ჭერქვეშ ღვთისმშობლის სადიდებლად, ბევრად სჯობს იგალობოთ „ღვთისმშობლის საგალობელი“, სადაც არ არის არც ერთი სიტყვა, რომელსაც პოლიტიკური მნიშვნელობა შეიძლება ჰქონდეს. მაგრამ სიტყვებიც კი „დედა რუსეთი იღვიძებს“ საერთოდ არ არის პოლიტიკაზე, არამედ ხალხში რწმენის აღორძინებაზე. ისე მაინცდამაინც ამ ერთი სტროფის ამოჭრა აშკარად არ არის შემთხვევითობა“, - დარწმუნებულია უმე-ის იერარქი.

როგორც მჟკ იტყობინება, 2022 წლის 15 ნოემბერს SBU-მ დაიწყო სისხლის სამართლის საქმე კიევის ლავრიდან გადაღებული ვიდეოს გამო.